കാണാമെനിക്കെന്റെ രക്ഷിതാവേ നിന്റെ
തങ്കമുഖമെന്റെ താതൻ രാജ്യേ
ഈ ലോകമായയിൽപ്പെട്ടു വലഞ്ഞു ഞാൻ
മേലോക വാർത്തയിൽ ദൂരസ്ഥനായി
അൽപായുഷ്കാലമീ ലോകത്തിൽ വാസം ഞാൻ
പുല്ലോടു തുല്യനായി കാണുന്നിപ്പോൾ
കാലന്റെ കോലമായി മൃത്യു വരുന്നെന്നെ
കാലും കൈയും കെട്ടി കൊണ്ടുപോവാൻ
കണ്ണും മിഴിച്ചു ഞാൻ വായും തുറന്നു ഞാൻ
മണ്ണോടു മണ്ണങ്ങു ചേർന്നിടേണം
എല്ലാ സാമർത്ഥ്യവും പുല്ലിന്റെ പൂ പോലെ
എല്ലാ പ്രൗഢത്വവും പുല്ലിന്റെ പൂ പോലെ
മർത്ത്യന്റെ ദേഹത്തിനെന്തൊരു വൈശിഷ്ട്യം
എന്തിനു ദേഹത്തിൽ ചാഞ്ചാടുന്നു
വണ്ണം പെരുത്താലും മണ്ണിന്നിരയിതു
കണ്ണിന്റെ ഭംഗിയും മായ മായ
കൊട്ടാരമായാലും വിട്ടേ മതിയാവു
കോട്ടയ്ക്കകത്തേക്കും മൃത്യുചെല്ലും
പതിനായിരം നില പൊക്കി പണിഞ്ഞാലും
അതിനുള്ളിലും മൃത്യു കയറിചെല്ലും
ചെറ്റപ്പുരയതിൽ പാർക്കുന്ന ഭിക്ഷുവും
മറ്റും മരണത്തിന്നധീനനാം
രോഗങ്ങളോരോന്നും പെട്ടന്നുള്ളാപത്തും
ആർക്കും വരുന്നതീ ക്ഷോണീതലെ
കഷ്ടം മനുഷ്യർക്കു രോഗക്കിടക്കയിൽ
അഷ്ടികഷണം പോലായിടുമേ
അയ്യോ അയ്യോ എന്നുള്ളന്ത്യസ്വരം ഓർക്കിൽ
അയ്യോ എനിക്കൊന്നും വേണ്ട പാരിൽ
കർത്താവെനിക്കൊരു വാസസ്ഥലം വിണ്ണിൽ
എത്രകാലം മുൻപേ തീർപ്പാൻ പോയി
ആ വീട്ടിൽ ചെന്നു ഞാൻ എന്നെന്നേക്കും പാർക്കും
ആ വീട്ടിൽ മൃത്യുവിന്നില്ലോർവഴി
പതിനായിരം കോടി ദൂതന്മാർ മദ്ധ്യേ ഞാൻ
കർത്താവാം യേശുവിൻ കൂടെ വാഴും
Kaanamenikkente rakshithaave ninte
Thankamukham ente thaathan raajye
Ee lokamaayayil pettu valanju njaan
Meloka vaarthayil dhoorasthanaayi
Alpaayushkaalamee lokathil vaasam njaan
Pullodu thulyanaayi kaanunnippol
Kaalante kolamaayi mrithyu varunnenne
Kaalum kaiyum ketti kondu povaan
Kannum mizhichu njaan vaayum thurannu njaan
Mannodu mannangu chernnidenam
Ella saamarthyavum pullinte poo pole
Ella proudathwavum pullinte poo pole
Marthyante dehathinenthoru vaishishtyam
Enthinu dehathil chaanchaadunnu
Vannam peruthaalum manninnirayithu
Kanninte bhangiyum maaya maaya
Kottaaramaayaalum vitte mathiyaavu
Kottayakkakathekkum mrithyu chellum
Pathinaayiram nila pokki paninjaalum
Athinullilum mrithyu kayari chellum
Chettappurayathil paarkkunna bhikshuvum
Mattum maranathinn adheenanaam
Rogangal oronnum pettannullaapaththum
Aarkkum varunnathee kshonithale
Kashtam manushyarkku rogakkidakkayil
Ashtikashanam polaayidume
Ayyō ayyō ennullla anthyaswaram orkkil
Ayyō enikkonnum venda paaril
Karthaave enikkoru vaasasthalam vinnil
Ethrakaalam munpe theerppaan poyi
Aa veettil chennu njaan ennennekkum paarkkum
Aa veettil mrithyuvinnillor vazhi
Pathinaayiram kodi dhoothanmaar madhye njaan
Karthaavaam Yeshuvin koode vaazhum
Click a stanza to preview here.