ഉയിർപ്പു തിരുനാൾ ആശംസകൾ
ഊർജമേകും വലിയനോമ്പിൻ പുണ്യങ്ങൾ
ഓശാന പാടി തുടങ്ങീ വിശുദ്ധവാരം
ഒരു നേരത്തിൻ വ്രതം വലിയ ബുധനാഴ്ച
പാരമ്പര്യത്തിൻ പൊലിമയിൽ പെസഹാ
പരിഹാര പ്രദക്ഷിണം ദുംഖവെള്ളി ഭക്ത
പ്രയാണം പരിശുദ്ധി നിറയും പള്ളികളിൽ

പ്രാർത്ഥനകളും പാട്ടുകളുമായി
പുനരുത്ഥാന തിരുനാൾ വരവായി
പാതിരാവിൽ കുർബാനകൾ ശുശ്രൂഷകൾ
പറന്നുയരും ആഘോഷങ്ങൾ
പുഞ്ചിരികളിൽ പൂത്തിരികളിൽ
പുനരുത്ഥാനമണിയും മനസുകളിൽ
കൺ നിറയും കാഴ്ചകൾ ഉത്ഥിതനായി
കാലം കവരാത്ത ഗീതങ്ങൾ പാടാം
കർത്താവിനായി സ്വയമർപ്പിക്കാം

ദൈവം മനസായാൽ എന്നും നടക്കും
ദീനതകളെല്ലാം അകന്നു പോകും
അവസാനത്തെ ആശ്രയം ദൈവം
ആലംബമില്ലാതലയുമ്പോൾ രക്ഷാമന്ത്രം
എന്നും പ്രാർത്ഥനകൾ സമക്ഷം
ഏറും ദുരിതങ്ങളിൽ പരിഹാരം
ഈശ്വരൻ കൈവിട്ടാൽ പിന്നാരുമില്ല
ഇടിത്തീ പോൽ വിനാശം പരിഹാരമില്ലാ
ഈടുറ്റ വിശ്വാസം ഒരിക്കലും തകരുകില്ലാ