ഓടിവാ കൃപയാം നദിയരികിൽ നിന്റെ മലിനത നീക്കാൻ
പാപി ഓടിവാ കൃപയാം നദിയരികിൽ
തേടി നിന്നെ കാണ്മാനേറ്റം വാടിവഴന്നവനുള്ളം
ഓടിവന്നു പാടുകളങ്ങേറ്റു കുരിശിൽ
നേടി നിന്റെ രക്ഷ യേശു മോടിയോടുയിർത്തു പിതാ
വോടിരുന്നു മദ്ധ്യസ്ഥനായ് കേണപേക്ഷിക്കുന്നു വേഗം
അശുദ്ധികളൊഴിച്ചു നിൻ അകൃത്യങ്ങളകറ്റിടാൻ
വിശുദ്ധിയിന്നുറവയെത്തുറന്ന മാർവ്വിൽ
കുളിച്ചു നീയനുദിനം വെളുപ്പിച്ചങ്കിയെപ്പിന്നെ
കുടിച്ചീടിൽ തടിച്ചു നീ വിശുദ്ധനായ് വളർന്നിടും
പരിശുദ്ധാത്മാവു നിന്റെ മരണാവസ്ഥയെ കണ്ടു
കരളലിഞ്ഞരികിൽ വന്നെടുത്തു നിന്നെ
തിരുജീവൻ ഊതി നിന്നിൽ മറുരൂപമാക്കി നിന്നെ
തിരുസ്നാനം നൽകിയവൻ പരിശുദ്ധനായ് നടത്തും
സത്യമാം തിരുവചനം ശുദ്ധിവരുത്തിടും നിന്നെ
ശുദ്ധിയിൻ വഴിയതിൽ നടത്തും വചനം
നിത്യം നിന്റെ പാദങ്ങൾക്കു സത്യവെളിച്ചം തന്നിട്ടു
ശുദ്ധതയിൻ ശുദ്ധസ്ഥലത്തെത്തുവോളം തുണച്ചിടും
ശുദ്ധിയിന്നലങ്കാരത്തിൽ ശുദ്ധിമാന്മാരേ സ്തുതിപ്പിൻ
ശുദ്ധതയിൽ വസിക്കും യഹോവയെ നിങ്ങൾ
നിത്യം നിത്യം വളർന്നു നാം ശുദ്ധതയിൽ മുതിർന്നു പാ
പത്തെ നശിപ്പിച്ചീടുകിൽ ക്രിസ്തുവിൽ ജീവിച്ചിടും നാം
Odivaa kripayam nadiyarikil ninte malinatha neekan
Paapi odivaa kripayam nadiyarikil
Thedi ninne kaanmaanettam vaadivazhannavanullam
Odivannu paadukal angettu kurishil
Nedi ninte raksha Yeshu modiyodu yirthu Pitha
Vodirunnu madhyasthanay keṇapekshikkunnu vegam
Ashuddhikal ozhiḷchu nin akrityangal akattidaan
Vishuddhiyin uravayethuranna marvil
Kulichu neeyanudinam veluppichankiyepinne
Kudicheedil thadichu nee vishuddhanay valarnnidum
Parishuddhaathmavu ninte maranavasthaye kandu
Karalalinjarikil vandaddu ninne
Thirujeevan oothi ninne maruroopamaakki ninne
Thirusnaanam nalkiyavan parishuddhanay nadathum
Sathyamaam thiruvachanam shuddhivaruthidum ninne
Shuddhiyin vazhi adil nadathum vachanam
Nithyam ninte paadangalakku sathyavelicham thannittu
Shuddhathayin shuddhasthalath ethuvare thunachidum
Shuddhiyin alankaaraathil shuddhimanmare sthuthippin
Shuddhatil vasikkum Yahovaye ningal
Nithyam nithyam valarnnu naam shuddhathil muthirnnu pa
Pathe nashippicheedukil Christuvil jeevichidum naam
Click a stanza to preview here.