തങ്കനിറമെഴും തലയുടയോനേ!ദേവാ!
നിങ്കഴലിണപണിവോർ ധന്യരാമേ
നിന്നുടയ തിരുമുഖം പാർത്തുകൊണ്ടുനിന്റെ
സന്നിധിയിൽ നിന്നുടുന്നോർ ഭാഗ്യവാന്മാർ
ആയിരം ദിനങ്ങളെക്കാൾ നിന്റെ മുമ്പിൽ ഒരു
വാസരം കഴിപ്പതതി മോദമല്ലോ
ഭൂതലമടിയാർക്കൊരു പരദേശം ഞങ്ങൾ
വീടുനോക്കിയോടുന്നിതാ പ്രിയ നാഥാ!
നിൻമുഖത്തിൻ വെളിച്ചത്താൽ ഞങ്ങളെ നീനിത്യ
നന്മയിൽ നടത്തിടുക യേശുനാഥാ!
ഇമ്പമേറും തിരുമൊഴി കേട്ടു ഞങ്ങൾ തെല്ലും
തുമ്പമെന്യേ നിൻപാദം വണങ്ങിടട്ടെ
താമരകൾ വിടർത്തുന്ന രവിപോലെ മുഴു
യാമിനിയിൽ വിളങ്ങുന്ന ശശിപോലെ
പൈതലിന്നു പാൽകൊടുക്കുമമ്മപോലെ പരി
ശോഷിതമാം കുളത്തിനു മഴപോലെ
നീയിരിക്ക ഞങ്ങൾക്കെന്നും ചാരുരൂപാ!നിന്റെ
തൂമൊഴികൾ കേൾപ്പിക്കുക ഗുരുനാഥാ
Thanganiramezhum thalayudayone! Deva!
Ninkazhalina panivor dhanyarame
Ninnudaya thirumukham parthukonduninte
Sannidhiyil ninnudunnor bhagyavanmaar
Aayiram dinangalekkal ninte munpil oru
Vaasaram kazhippathathi modhamallo
Bhoothalamadiyarkkoru paradhesham njangal
Veedunokkiyodunnitha priya naatha
Ninmukhatthin velichathaal njangale neenithya
Nanmayil nadathiduka Yeshunatha!
Inpam-erum thirumozhi kettu njangal thellum
Thumbamenye ninpaadham vanangidatte
Thaamarakal vidarthunna ravipole muzhu
Yaaminiyil vilangunna shashipole
Paithalinnu paalkodukkum amma-pole pari
Shoshithamaam kulathinu mazhapole
Neeyirikka njangalkkennum chaaruroopa! Nintha
Thoomozhikal kelppikkuka Gurunatha