ആബാ ദൈവമേ അലിയും സ്നേഹമേ
ആശാ നാളമേ അഭയം നല്കണേ

നിന്റെ ദിവ്യ രാജ്യം മന്നിടത്തിൽ വരണം
നിന്റെ ഉള്ളം ഭൂവിലെങ്ങും നിറയാൻ

മണ്ണും വിണ്ണും പാടും നിന്റെ പുണ്യ ഗീതം
പാരിടത്തിൽ ദൈവരാജ്യം പുലരാൻ

അന്നന്നുള്ള ദിവ്യഭോജ്യം ഞങ്ങൾക്കെന്നും നല്കീടെണം
താതനാം മഹേശനെ

അധ്വാനിച്ചീടുന്നോനും ഭാരം വഹിക്കുന്നോനും ആലംബം നീയല്ലോ
പ്രത്യാശിച്ചീടുന്നോർക്ക്
നിത്യരക്ഷയേകീടും ആനന്ദം നീയല്ലോ

സ്വർഗരാജ്യ സീയോനിൽ വാനദൂതരെല്ലാരും കീർത്തിക്കും രാജാവേ
മന്നിടത്തിൽ മാലോകർ ആമോദത്തോടൊന്നായി പൂജിക്കും രാജാവേ