എൻ കൺകൾ തുറന്നു ഞാൻ കാണുന്നെ
ഏഴ് പൊൻ വിളക്കിൻ നടുവിൽ
നില അങ്കി ധരിച്ച പ്രിയൻ
മാറത്തു പൊൻ കച്ച കെട്ടിയും

ആദ്യനും അന്ത്യനും അൽഫയും
ഒമേഗയും
സ്തുതികൾക്ക് യോഗ്യനെ അങ്ങു മാത്രം യേശുവേ

ഹിമം പോലെ തല മുടിയും
അഗ്നി ജ്വാലക്കൊത്ത കണ്ണുളോൻ
പെരുവെള്ളത്തിൻ ഇരച്ചിൽ പോലെ
പ്രിയൻ ശബ്ദം കാതിൽ മുഴങ്ങി

ഇന്ന് കണ്ണുകളാൽ മുഖം കാണുന്നെ
സൂര്യനെക്കാൾ ശോഭ ഉള്ളതാൽ
മരണ പാതാളത്തിൻ ശക്തിയെ
തകർത്ത താക്കോൽ കയ്യിലുള്ളോൻ