ആരാധ്യനെ സ്തുതി നിനക്ക് മാത്രം
ആത്മനാഥ സ്തുതി നിനക്ക് മാത്രം
ആരിലുമുന്നതനെ തിരുപാദം
വീണു വണങ്ങി ഞാൻ ആരാധിക്കും

ഹല്ലേലൂയ സ്തുതിയും സ്തോത്രവും അർപ്പിക്കുന്നേ
ഹല്ലേലൂയ ജ്ഞാനവും ശക്തിയും അങ്ങേയ്ക്കു താൻ

വീണ്ടെടുപ്പിൻ വില നൽകിടുവാൻ ചുരുൾ നിവർത്തുവാൻ
തകർക്കുവാൻ മുദ്ര ഏഴും
അർഹനായ് യോഗ്യനായ് മൂവുലകിൽ
ആരുമില്ലേശുവേ നീ ഒഴികെ ഹല്ലേലുയ്യാ

കുഞ്ഞാടെ നീ അറുക്കപ്പെട്ടു നിൻ
നിണത്താൽ നീ വിലക്ക് വാങ്ങി
വീണ്ടെടുത്തു സ്വന്ത മക്കളാക്കി
രാജ പുരോഹിത വംശമാക്കി ഹല്ലേലുയ്യ

എണ്ണമില്ല ദൂതസംഘമതും
സർവ്വലോകെയുള്ള സൃഷ്ടികളും
സ്തുതിയും മഹത്വവും ജ്ഞാനമെല്ലാം
അർപ്പിച്ചപദാനം പാടി സ്തുതിച്ചിടുന്നേ