ആരാധനയ്ക്കു യോഗ്യനെ
ആരാധിക്കുന്നു സന്നിധെ
ആരാധ്യനായ യേശുവെ
ആത്മാവെ തന്ന ദൈവമെ

ആരാധന ആരാധന
സർവ്വലോക സ്രഷ്ടവിനാരാധന
ആരാധന ആരാധന
ആത്മാവിലും സത്യത്തിലും ആരാധന

ജീവനറ്റ പാപികൾക്കു ജീവനേകിടാൻ
ജീവനെവെടിഞ്ഞ നാഥനാരാധന
ജീവ വചനമേകി നമ്മെ ജീവനോടെ കാത്തിടും
ജീവനാഥൻ യേശുദേവനാരാധന

സർവ്വശക്തനായ നിത്യ സത്യദൈവത്തെ
ശക്തിയോടെ ആത്മാവിൽ നാം ആരാധിക്കാം
വല്ലഭന്റെ നന്മകൾക്കായി ഹല്ലേലുയ്യ പാടീടാം
നന്ദിയോടെ പാടി വാഴ്ത്തി ആരാധിക്കാം