ആശ്രയം യേശുവിൽ എന്നതിനാൽ
ഭാഗ്യവാൻ ഞാൻ ഭാഗ്യവാൻ ഞാൻ
ആശ്വാസം എന്നിൽ താൻ തന്നതിനാൽ
ഭാഗ്യവാൻ ഞാൻ ഭാഗ്യവാൻ ഞാൻ

കൂരിരുൾ മൂടും വേളകളിൽ കർത്താവിൻ പാദം ചേർന്നിടും ഞാൻ
കാരിരുമ്പാണിയുടെ പാടുള്ള പാണിയാൽ
കരുണ നിറഞ്ഞവൻ
കാക്കുമെന്നെ കാക്കുമെന്നെ

ഇത്ര സൗഭാഗ്യം ഇക്ഷിതിയിൽ
ഇല്ല മറ്റെങ്ങും നിശ്ചയമായ്
തീരാത്ത സന്തോഷം ക്രിസ്തുവിലുണ്ടെന്നാൽ
തോരാത്ത കണ്ണീരെ മന്നിലുള്ളു മന്നിലുള്ളു

തന്നുയിർ തന്ന ജീവനാഥൻ
എന്നഭയം എൻ നാൾ മുഴുവൻ
ഒന്നിനും തന്നിടമെന്നിയേ വേറെങ്ങും
ഓടേണ്ട താങ്ങുവാൻ
താൻ മതിയാം താൻ മതിയാം

കാൽവരി നാഥൻ എൻ രക്ഷകൻ കല്ലറയ്ക്കുള്ളൊതുങ്ങുകില്ല
മൃത്യുവെ ജയിച്ചവൻ അത്യുന്നതൻ വിണ്ണിൽ
കർത്താധികർത്താവായ്
വാഴുന്നവൻ വാഴുന്നവൻ