ആത്മശക്തിയാലെന്നെ നിറച്ചീടുക
അനുദിനം ആരാധിപ്പാൻ
അഭിഷേകത്താലെന്നെ നിറച്ചീടുക
ഞാൻ ഉണർന്നു ശോഭിക്കുവാൻ

അഭിഷേകം പകർന്നീടുക
പുതുശക്തി പ്രാപിക്കുവാൻ
അന്ധകാര ശക്തികളെ
ജയിക്കും ഞാനാ കൃപയാൽ

ക്ലേശം നിറയും മരുയാത്രയിൽ ഞാൻ
നിന്നെ സ്തുതിച്ചാർത്തിടുമ്പോൾ
തുറന്നീടുക നൽ നീരുറവ
ഞാൻ എഴുന്നേറ്റു ശോഭിക്കുവാൻ

കൃപയാലെന്നെ അഭിഷേകം ചെയ്യുക
വിശുദ്ധിയോടാരാധിപ്പാൻ
ആത്മാവിനാലെ നിൻ ശക്തിയാലെ
വൻ കോട്ടകൾ തകർത്തിടുവാൻ