ആത്മശക്തിയെ, ഇറങ്ങി
എന്നിൽ വാ ഇറങ്ങി എന്നിൽ വാ
മഴപോലെ പെയ്തിറങ്ങിവാ

സ്വർഗ്ഗീയ തീയേ ഇറങ്ങി
എന്നിൽ വാ ഇറങ്ങി എന്നിൽ വാ
മഴപോലെ പെയ്തിറങ്ങിവാ

ആത്മനദിയായ് ഒഴുകി എന്നിലിന്നു വാ
ആത്മശക്തിയായ് ഒഴുകി എന്നിലിന്നു വാ
മഴപോലെ പെയ്തിറങ്ങിവാ

പെന്തിക്കോസ്തു നാളിലെയാ മാളികമുറി
അഗ്നിനാവിനാൽ മുഴുവൻ നിറച്ചവനേ
അഗ്നിജ്വാലപോൽ പിളർന്നിറങ്ങിവാ
കോടുങ്കാറ്റുപോലെ വീശി എന്നിൽ വാ
മഴപോലെ പെയ്തിറങ്ങിവാ

കഴുകനെപ്പോലെ ചിറകടിച്ചുയരാൻ
തളർന്നുപോകാതെ ബലം ധരിച്ചോടുവാൻ
കാത്തിരിക്കുന്നിതാ ഞാനും യഹോവേ
ശക്തിയെ പുതുക്കുവാൻ എന്റെ ഉള്ളിൽ വാ
മഴപോലെ പെയ്തിറങ്ങിവാ

ഏലിയാവിൻ യാഗത്തിൽ ഇറങ്ങിയ അഗ്നിയേ
മുൾപ്പടർപ്പിൽ മോശമേൽ ഇറങ്ങിയ അഗ്നിയേ
എന്റെ ജീവിതത്തിൽ നിറഞ്ഞിറങ്ങിവാ
ഒരു പ്രാവുപോൽ പറന്നിറങ്ങിവാ
മഴപോലെ പെയ്തിറങ്ങിവാ