അലിവുള്ള ദൈവമേ അലിയുന്ന സ്നേഹമേ
അലിവോടീ കാഴ്ചകൾ സ്വീകരിക്കൂ

ആശീർവദിച്ചെന്നെ അർച്ചനയാക്കണേ
ആരാധ്യമാകും തിരുസന്നിധേ

അലിവുള്ള ദൈവമേ അലിയുന്ന സ്നേഹമേ
അലിവോടീ കാഴ്ചകൾ സ്വീകരിക്കൂ

താലത്തിൽ ഉയരുമീ കാരുണ്യ രൂപത്തിൽ
കാഴ്ചയായേകാം എൻ സർവ്വവും
കാരുണ്യ വാരിധേ സ്വീകരിക്കൂ
ധന്യമായ് തീർക്കൂ ഈ ജീവിതം

അപരനോടാദ്യം രമ്യമായ് തീരണം
അൾത്താരയിൽ ബലിയോഗ്യമാകാൻ

അനുരഞ്ജനത്തിൻ പാതയിൽ നീങ്ങണം
അനശ്വര ദൈവം സ്വീകാര്യമാക്കീടും
ആർദ്രതയോടെന്നേ ചേർത്തണച്ചീടും

അൾത്താര മുന്നിൽ നൈവേദ്യമാകണം
അപ്പവും വീഞ്ഞുമായ് നീ മാറണം
അതിരില്ലാ സ്നേഹമായ് ഒഴുകിടേണം