അന്നൊരു നാളിൽ ബേത്ലഹേമിൽ
പാതിര നേരമതിൽ വന്നൊരു ദൈവം രാജകുമാരൻ
കന്യസുതനായി മാനവപാപകറകളകറ്റാൻ

മഹിയിൽ ഉരുവായി മഹിമയെഴും
സുരസുന്ദരരൂപൻ ഗോശാലയിനുള്ളിൽ
ആർപ്പു വിളിച്ചിടുവാൻ ആഗതരായവരും
കാഴ്ചകളേകിടുവാൻ രാജ പുരോഹിതരും

മലനിര തരുവിട വനനിര ഹിമജല
പാതകൾ പാഞ്ഞെത്തി

ഗബ്രിയേൽ ദൂതൻ അരുളിയ പോലൊരു
വർണ്ണപ്രഭയന്ന് പാരിടമാകേ പൊന്നൊളി തൂവി
വന്നു പിറന്നൊരു നാൾ
അന്തതമസ്സിൻ വിടുതലുമായ്

അത്ഭുതരോഗശാന്തിയുമായ്
നാഥനിഭൂതലേവന്നീടും
പുതുലോകം പണിതിടുവാൻ
ബേത്ലഹേം ഗോശാലയിലന്നൊരു
പുല്ലിൻ മെത്തയിലായ്

സുന്ദര സ്വപ്നം കണ്ട് മയങ്ങും ഈശോയിൻ ചാരെ
ആനന്ദക്കടൽ അലയിളകുന്നൊരു
അമ്മ മാനസിൻ വിങ്ങലുകൾ
കണ്ടോരിടയർ സ്വർഗ്ഗ പിതാവിന് സ്തുതി ഗീതം പാടി