അഴലിന്റെ അലയാഴിയിൽ ഞാൻ
ഉഴലുന്ന നേരങ്ങളിൽ
മനതാരിൽ കനലുകൾ എരിഞ്ഞീടവെ
മിഴിനീരിൽ നോവുകൾ പൊഴിഞ്ഞീടവെ

അലിവോടെ കനിവോടെ അരികിലെത്തി
ആർദ്രതയോടെന്നെ ചേർത്തണച്ചു
യേശുവേ അങ്ങയെപ്പോലെ മറ്റാരുമില്ലേ
പ്രിയനേ അങ്ങല്ലാതെനിക്കാരുമില്ലേ

കൂരിരുൾ തിങ്ങും താഴ്‌വരയിൽ
കൂട്ടിനായി ആരാരും ഇല്ലെങ്കിലും
കൂടെപ്പിറപ്പുകൾ കൂട്ടുകാരും
കണ്ടിട്ടും കാണാതെ പോയിടുമ്പോൾ

കൂടെ നടപ്പാൻ കൂടെ വസിക്കാൻ
കൂട്ടിനായി അങ്ങെന്റെ കൂടെ വരും
കാൽവറി ക്രൂശിൽ പിടഞ്ഞവനെ
കാൽകരം ആണിമേൽ തറച്ചവനെ

കഷ്ടങ്ങൾ നിന്ദകൾ ഏറ്റവനെ
കൈപ്പുനീർ എനിക്കായ് കുടിച്ചവനെ
കഷ്ടം സഹിപ്പാൻ കണ്ണീർ തുടപ്പാൻ
ക്രൂശിതൻ യേശു എൻ കൂടെ ഉണ്ട്