ബലിപീഠത്തിലെന്നെ പരനെ
അർപ്പിക്കുന്നേ ഈ നൽനേരം
അടിയനെ തിരുഹിതം പോലെ
വഴി നടത്തീടേണമേ

കാൽവറിയിൻ സ്നേഹമതേ
കണ്ടു ഞാൻ നിൻ പാതേ ഓടിടുന്നേ
കഴുകു നിൻ തിരുരക്തത്താലെ
കറയില്ലാതെന്നുള്ളത്തെ

നീയില്ലാതെന്നാലിപ്പാരിൽ
ഏതും ചെയ്തിടാൻ അസാദ്ധ്യം
നിറുത്തേണം വഴുതിടാതെന്നെ
ജീവകാലം മുഴുവൻ

സ്വയമെന്നിൽ ചാമ്പലായ് മാറാൻ
ആത്മാവാം അഗ്നി കത്തിക്ക
ജയമേറി ജഡം മുറ്റും മായാൻ
ദേവാ അരുൾ പൊഴിക