ബെത് ലെഹേമിലെ പൊൻതാരകം
കൺതുറന്നു കാത്തിരിക്കുന്നൂ
മാലാഖമാർ ആമോദരായ്
കീർത്തനങ്ങൾ ഏറ്റുപാടുന്നു

മഞ്ഞു പെയ്യുമീ തിരുരാവിൽ
വാനിൽ താരകങ്ങൾ പാടി
ഇനിയില്ലാ ഇരുളലയൊന്നും
ലോകത്തിൻ ദീപമിതാ

ദൂരെ വാനദൂതർ പാടും സ്വർഗ്ഗഗീതം
മന്നിൽ ഉണ്ണിയേശു ജാതനായിതാ
ആഹാ മണ്ണും വിണ്ണും ആമോദത്താൽ പാടി
ഇതു സ്വർഗ്ഗം നൽകും സ്നേഹസമ്മാനം

ലോകം മുഴുവനും കാത്തിരുന്ന നാള്
ഇന്നാണാ തിരുനാള്
കണ്ണും കാതും ഒന്നായ് ചേരുന്ന രാവ്
സന്തോഷത്തിൻ തിരുരാവ്

ഇതാ രാജരാജനുണ്ണിയേശു
എളിമതൻ തിരുരൂപമായ്
ഇത്ര സ്നേഹമോടെ എന്നെ നേടാൻ
പുൽക്കൂട്ടിൽ ഭൂജാതനായ്

മാനവരെല്ലാം ഒന്നായ് ചേരും
സ്വർഗ്ഗീയ നിമിഷമിതാ
ലോകം മുഴുവനും ആനന്ദത്തോടെ
ചേരുന്ന സുദിനമിതാ

ഇനി ഭീതി വേണ്ട ശാന്തിയേകാൻ
നാഥനിതാ വരവായ്
മനസ്സിൻ്റെ ഇരുളുകൾ നീക്കുവാനായ്
എമ്മാനുവേൽ ജാതനായ്