ഭാഗ്യനാട്ടിൽ പോകും ഞാൻ
എന്റെ ഭാഗ്യനാട്ടിൽ പോകും ഞാൻ
ഭാഗ്യനാട്ടിൽ ചെന്നു ശുദ്ധരോടൊത്തു
ഞാൻ യേശുവേ വാഴ്ത്തീടുമേ

മായ ഇമ്പം വിടുന്നേ എന്റെ
ലോക സുഖങ്ങളെല്ലാം നായകനാം
എന്റെ മന്നനെ ഓർത്തു ഞാൻ
തൻ തിരുനാമത്തിനായ്

സ്വർഗ്ഗഭാഗ്യമോർക്കുമ്പോൾ എന്റെ
ഉള്ളമാനന്ദിക്കുന്നേ
തുള്ളിക്കളിച്ചെന്റെ സന്തോഷരാജ്യത്തിൽ
വേഗം ഞാൻ ചേർന്നിടുമേ

ഓരോ ദിവസവും ഞാൻ എന്റെ
പ്രിയനെ നോക്കി ക്കൊണ്ട്
നേരായ പാതയിൽ സേവനം ചെയ്തു
തൻ മാർവ്വോടണഞ്ഞീടുമേ

അൻപുള്ള യേശു പരൻ വേഗം
മേഘത്തിൽ വന്നീടുമ്പോൾ
മുൻപിൽ നില്ക്കുന്നതാം സോദരോടൊത്തു
ഞാൻ തമ്പുരാനെ വാഴ്ത്തിടും