ചങ്കിലെ ചോരകൊണ്ടു അവനെന്നേയും വീണ്ടെടുത്തു
ചങ്കോടണച്ചവനേ നിന്നിൽ ഞാൻ ചാരിടുന്നു

നാടെങ്ങും നന്മ ചെയ്യാൻ ചുറ്റി നടന്നവനേ
കണ്ണിൽ ദയവില്ലാതെ ദുഷ്ടരടിച്ചുവല്ലോ

ക്ഷീണിച്ചു ക്രൂശിൽനിന്നു ദാഹിച്ചു വെള്ളം കേണു
കണ്ണിൽ ദയവില്ലാതെ കയ്പുകാടി കൊടുത്തു

ഈവിധം നന്മ ചെയ്ത എന്‍റെകാരുണ്യരക്ഷകനെ
തങ്കമേ നിന്നെ കാണ്മാൻ വാഞ്ചയാൽ കാത്തിടുന്നു

കാൽവറിയിൽ ചിന്തിയ രക്തത്തിൻ ഫലമായ്
സാധുവായ എനിക്കു ദാനമായ് രക്ഷ നൽകി

തങ്കമാം പൊൻപിറാവേ ശങ്ക കൂടാതെ വന്നു
പൊൻചിറകു വിരിക്ക ആശ്വാസം ഞാൻ പ്രാപിക്കാൻ