ചെറിയകൂട്ടമേ നിങ്ങൾ ഭയപ്പെടാതിനി
പരമരാജ്യം തരുവതിന്നു താതന്നിഷ്ടമാം

1 ഉറപ്പും ധൈര്യവും നല്ല സ്ഥിരവുമുള്ളോരായ്
ഒരുങ്ങിനിൽപ്പിൻ തിരുവചനം അനുസരിക്കുവാൻ ചെറിയ

2 വരുമനവധി കഷ്ടം നമുക്കു ധരണിയിൽ
കുരിശെടുത്തു പരനെ നിത്യം അനുഗമിക്കണം ചെറിയ

3 യേശുക്രിസ്തുവിൽ ഭക്തിയോടു ജീവിപ്പാൻ
ആശിച്ചീടുന്നവർക്കു പീഡയുണ്ട് നിർണ്ണയം ചെറിയ

4 പ്രതിഫലത്തിന്മേൽ നോട്ടംവെച്ചു സഹിക്ക നാം
വിധിദിനത്തിൽ നമുക്കു നല്ല ധൈര്യമേകുവാൻ ചെറിയ

5 ദാനിയേലിനായ് സിംഹവായടച്ചവൻ
വാനിൽ ജീവിക്കുന്നു നമ്മെ കാവൽ ചെയ്യുവാൻ ചെറിയ

6 മരണത്തോളം തൻ ദിവ്യ ചരണമില്ലയോ
ശരണമായി നമുക്കുമേലിൽ അരുതു ചഞ്ചലം ചെറിയ