ചെയ്യും ഞാനെന്നുമിതു നിന്നെ
മെയ്യായോർപ്പാനേശുവേ

അയ്യയ്യോ നിൻ വചനത്തിൻ പടി നിത്യം
മെയ്യാം വിനയത്തോടെ എന്റെ
ഇയ്യുലകായുസ്സിൻ നാളെല്ലാം നിൻമൃതി
മെയ്യായോർപ്പാൻ നിരന്തം

ഗഥശമനെ സ്ഥലെ നിനക്കുണ്ടായ
വ്യഥയും പോരാട്ടവും പ്രാണ
നാഥാ നിൻ രക്തവിയർപ്പും ഞാനേവ്വിധം
ഓർക്കാതിരുന്നീടുന്നു

ക്രൂശിലെൻ പേർക്കു ബലിയായ്‌ ജഗത്തുകൾ
ക്കീശന്റെ കോപാഗ്നിയിൽ നസ
റേശാ നീ വെന്തതും ഓർത്തെന്റെ മാനസം
ക്ളേശിച്ചു നന്ദിയോടെ

എൻ നിമിത്തം ചതെക്കപ്പെട്ട നിന്മേനി
എന്താത്മ ഭോജനമേ ദേവാ
നിൻരക്ഷാപാനത്താലെന്നാത്മ ദാഹം
തീർന്നെന്നും പ്രമോദിപ്പാനായ്‌

ഞാൻ വരുവോളമിവ്വണ്ണം ചെയ്കെന്നനിൻ
പൊൻ വചനത്തിൻ പടി ഞങ്ങൾ
കാൽവരിമേട്ടിൽ ചതഞ്ഞനിൻ പൊൻമേനി
ഓർത്തനുഷ്ഠിക്കുന്നിതു