ചെയ്യും ഞാനെന്നുമിതു -നിന്നെ
മെയ്യായോർപ്പാനേശുവേ

1 അയ്യയ്യോ നിൻ വചനത്തിൻ പടി നിത്യം
മെയ്യാം വിനയത്തോടെ - എന്റെ
ഇയ്യുലകായുസ്സിൻ നാളെല്ലാം നിൻമൃതി
മെയ്യായോർപ്പാൻ നിരന്തം;- ചെയ്യും

2 ഗഥശമനെ സ്ഥലെ നിനക്കുണ്ടായ
വ്യഥയും പോരാട്ടവും -പ്രാണ
നാഥാ നിൻ രക്തവിയർപ്പും ഞാനേവ്വിധം
ഓർക്കാതിരുന്നീടുന്നു;- ചെയ്യും

3 ക്രൂശിലെൻ പേർക്കു ബലിയായ്‌ ജഗത്തുകൾ
ക്കീശന്റെ കോപാഗ്നിയിൽ -നസ
റേശാ നീ വെന്തതും ഓർത്തെന്റെ മാനസം
ക്ലേശിച്ചു നന്ദിയോടെ;- ചെയ്യും...

4 എൻ നിമിത്തം ചതെക്കപ്പെട്ട നിന്മേനി
എന്താത്മ ഭോജനമേ - ദേവാ
നിൻരക്ഷാപാനത്താലെന്നാത്മ ദാഹം
തീർന്നെന്നും പ്രമോദിപ്പാനായ്‌;- ചെയ്യും...

5 ഞാൻ വരുവോളമിവ്വണ്ണം ചെയ്കെന്നനിൻ
പൊൻ വചനത്തിൻ പടി - ഞങ്ങൾ
കാൽവരിമേട്ടിൽ ചതഞ്ഞനിൻ പൊൻമേനി
ഓർത്തനുഷ്ഠിക്കുന്നിതു;- ചെയ്യും...