ചിലർ നിനയ്ക്കും പോലെ കർത്തനുടെ വരവ്
ഒട്ടും താമസിക്കില്ലിനിയും
പാപികൾ മനം തിരിഞ്ഞീടുവാനായ്
ക്ഷമ കാട്ടിടുന്നതേയുള്ളൂ

രാജ്യം രാജ്യത്തോടും ജാതി ജാതിയോടും
എതിർക്കുന്നതു കാണുന്നല്ലോ
അപ്പനമ്മ-മക്കൾ സോദരബന്ധങ്ങൾ
ഛിന്നമായിടുന്നു

ശത്രു അലറും സിംഹം പോലെ ചുറ്റിടുന്നു
ഒത്താൽ വൃതരേയും കീഴടക്കാൻ
ശത്രുവെ ജയിപ്പാനായ് ദൈവത്തിൻ കൃപകൾ നാം
പ്രാപിക്ക ഈ നാളിൽ

നിന്റെ ആദ്യ സ്നേഹം വിട്ടുപോയെന്നോരു
കുറവ് കർത്തൻ കാണുന്നല്ലോ
ലൗകീക സുഖങ്ങളോ ശാശ്വതമല്ലെന്നും
താതൻ അരുളിടുന്നു

സ്വർഗ്ഗീയ-രാജ്യം വേഗം ആഗമിക്കയാൽ
വിശുദ്ധൻ തന്നെ ശുദ്ധീകരിപ്പിൻ
സ്വർഗ്ഗീയമേടയിൽ പ്രിയനുമായൊത്ത്
യുഗായുഗം വാഴാം