ചിന്താകുലങ്ങൾ എല്ലാം
യേശുവിൻമേൽ ഇട്ടുകൊൾക
അവൻ കരുതുന്നല്ലോ
നിനക്കായി ദിനംതോറും

ഈ ധരയിൽ അതിശയമായി
നടത്തുന്ന ദൈവസ്നേഹം
കണ്ണുനീർ കാണുന്നവൻ
ഹൃദയം അറിഞ്ഞവൻ

ചോദിച്ചതിലും പരമായി
നീ നിനച്ചതിലും മേലായി
നിന്റെ നാളുകൾ ഒരുക്കി
കർത്തൻ നടക്കുന്നു മുന്നിൽ

മകനേ നിനക്കായി ദൈവം
കരുതിയിട്ടുണ്ട് എല്ലാം
ഭയപ്പെടാതെ വിശ്വസിക്ക
കൈ പിടിച്ചു അവൻ നടത്തും

കണ്ടിട്ടില്ലാത്ത വഴികളിൽ
നടത്തുന്ന ദൈവഹസ്തം
കേട്ടിട്ടില്ലാത്ത അനുഗ്രഹം
നിനക്കായി സൂക്ഷിച്ചിരിക്കുന്നു

ഇരുട്ട് മൂടുന്ന രാത്രികളിൽ
വെളിച്ചമായ് അവൻ വരും
തളരുന്ന നിമിഷങ്ങളിൽ
ബലമായി അവൻ മാറും

മകനേ നിനക്കായി ദൈവം
കരുതിയിട്ടുണ്ട് എല്ലാം
കലങ്ങാതെ മുന്നോട്ട് പോ
കൃപ നിനക്കൊപ്പം