ദൈവം നമ്മുടെ സങ്കേതം ബലം
മാ കഷ്ടകാലത്തിൽ സമീപ സഹായം

ഭൂമി മുഴുവൻ മാറിയെന്നാലും
വൻ പർവതങ്ങൾ സമുദ്രത്തിൽ വീണാലും
അതിൻ’ജലം ഇരച്ചു മുറ്റും കലങ്ങിയാലും
മല കുലുങ്ങിയാലും നാം ഭയപ്പെടില്ല

ഒരു നദിയുണ്ട് അതിൻ നീർത്തോടുകൾ
അത്യുന്നതന്റെ പരിശുദ്ധ നഗരത്തെ
സനധോഷിപ്പികും ദൈവമുണ്ടതിൻ മദ്ധ്യേ
അത് കുലുങ്ങാതെ സഹായിക്കും പ്രഭാതം തോറും

ജാതികൾ ക്രുദ്ധിച്ചു രാജ്യങ്ങൾ കുലുങ്ങി
അവൻ തന്റ്റെ തിരു ശബ്ദം കേൾപിച്ചു
ഭൂമി ഉരുകി യെഹോവയുണ്ട് യാക്കോബിൻ
ദൈവം നമുകേറ്റം ദുർഗമാകുന്നു

വന്നു കാണുവിൻ യാഹിൻ പ്രവർത്തികൾ
ലോകത്തിലെത്ര ശൂന്യത വരുത്തിയിരിപ്പൂ
ഭൂവിന്നറുതിവരെ യുദ്ധം നിർത്തൽ ചെയുന്നു
വില്ല് കുന്തം മുറിച്ചു രഥങ്ങൾ ചുട്ടെരിക്കുന്നു

മിണ്ടാതിരുന്നു ദൈവം ഞാൻ എന്നറിവിൻ
ഭൂവിൽ ജാതികളുടെ ഇടയിൽ ഉന്നതനാകും
സൈന്ന്യങ്ങളുടെ യെഹോവയുണ്ടേ
യാക്കോബിൻ ദൈവം നമുകേറ്റം ദുർഗമാകുന്നു