ദൈവം നിന്നെ കൈവിടുകയില്ല
ദൈവം നിന്നെ കാണാതിരിക്കില്ല
ദൈവം കണ്ണുനീർ മറികടന്ന് പോകുകില്ല
ദൈവം അത്ഭുതം പ്രവർത്തിക്കുവാൻ മടിക്കുകില്ല

നീ ദൈവത്തോട് നിലവിളിച്ചാൽ
നീ കണ്ണീരോടെ പ്രാർത്ഥിച്ചെന്നാൽ
ദൈവം താഴേയ്ക്കിറങ്ങിവരും
വന്ന് നിന്നോട് ചേർന്ന് നിൽക്കും

സർവ ശക്തനോട് നീ പ്രാർത്ഥിക്കുക
പാപത്തിൻ മറ നീക്കി അടുത്തുകൊൾക
അനുതപിച്ചാൽ ദൈവം അനുഗ്രഹിക്കും
രോഗം കടം ഭാരങ്ങൾ അകന്നുമാറും

ദൈവത്തോടടുത്ത് നീ ആയിടുമ്പോൾ
അവഗണിച്ചോർ നിന്നെ അനുമോദിക്കും
ഉപദ്രവിച്ചോർ നിന്നെ ഭയന്നുമാറും
ദീർഘ ക്ഷമ നീ ദൈവ കൃപയിൽ നേടും

ശത്രുവെ ഭയന്ന് നീ മാറീടേണ്ട
ദൈവ ശക്തിയിൽ നന്നേ ബലപ്പെടുക
ദൈവ കരങ്ങൾ നിന്റെ അരികിലുണ്ട്
ദൈവ ചെയ്തി ആരാലും തടുക്കുകില്ല