ദിവ്യകാരുണ്യമായ് എൻ്റെ ഉള്ളിൽ
ഈശോ ഇന്നു വാഴാനെത്തും നേരം
മനസ്സൊരു വെണ്‍ മെഴുതിരിയായ്
ഉരുകി തെളിയും നാഥനെ വരവേൽക്കാനായ്

വാ വാ എൻ്റെ ഈശോയെ
വാ വാ എൻ്റെ ഈശോയെ
എൻ്റെ ജീവൻ തേടും പുണ്യം നീയാണല്ലോ
സ്നേഹമേ മോക്ഷമേ ഭാഗ്യമേ

ദൈവം ദിവ്യകാരുണ്ണ്യമായ് മാറുമ്പോൾ
ദിവ്യ ജീവൻ നൽകും അപ്പമാകുമ്പോൾ
ഹൃദയം കത്തും അനുഭവമോടെ അവിടുത്തെ
സ്നേഹത്തിൻ തിരു മുദ്രയിതേറ്റു വാങ്ങീടാം

നെഞ്ചിനുള്ളം അൾത്താരയായ് മാറേണം
ഉയിരിൻ നാളം തെളിയും ദീപമാകേണം
കാരുണ്ണ്യത്തിൻ വിണ്‍മഴയായ കുർബാന
കനലു കെടുത്തും തേൻ പുഴയായ് മാറിടുവാൻ