എന്നിൽ അലിഞ്ഞു നീ ഞാനായി തീരുമ്പോൾ
നിന്നിൽ അലിഞ്ഞു ഞാൻ നീയായ്‌ തീർന്നിടാൻ
എത്ര നാളായി കൊതിച്ചീടുന്നു നാഥാ
എന്നെ നീ നീയാക്കി മാറ്റിടേണമേ

എന്റെ ഈശോയെ ദിവ്യ കാരുണ്യമേ
നിന്നെ കാത്തിരിക്കാം ഞാൻ
എന്റെ അന്ത്യം വരെയും

കനലോട് ചേരുമ്പോൾ കനലായ് മാറുമ്പോൾ
തവ തിരു ഹൃദയത്തിൻ സ്നേഹമായ് തീരാൻ
നാൾ എത്രയായ്‌ ഞാൻ ആശിപ്പൂ ഈശോയെ
എന്നെ നിൻ സ്നേഹമായ് മാറ്റണേ

കടലോടു ചേരുമ്പോൾ കടലായ് മാറുമ്പോൾ
ഞാനാം നീർക്കണം നീയായ്‌ തീർന്നിടാൻ
നാൾ എത്രയായ്‌ ഞാൻ ആശിപ്പൂ ഈശോയെ
നീയാം കടലിൽ ഞാൻ അലിഞ്ഞു നീയാകാൻ