ഈയാണ്ടില് ആശീര്വാദം ഈശോ തിരുപ്രസാദം
ഈ ദാസര്ക്കരുളേണം ഇന്നേരമേ
വന്നുപോയ കാലവും വരുന്ന കാലാകാലവും
ഒന്നുപോലെ എന്നുമുള്ളവാ ദേവേശനേ
പോയ വര്ഷത്തില് വിപത്ത നര്ത്ഥമൊന്നുമെന്നിയേ
നീയരുള് ചെയ്തിങ്ങുപാലനം ദേവേശനേ
ക്ഷാമരോഗ ബാധകള്
വസന്തയാദിയെന്നിയേ
ക്ഷേമ പാലനം കല്പിച്ചു നീ ദേവേശനേ
നന്മയായി സര്വ്വവും നടത്തും മാ കൃപാകരാ
നിന്മനം കനിഞ്ഞീടേണമേ ദേവേശനേ
നിന്മഹത്വത്തിന്നു തക്ക ജീവിതം ചെയ്തിടുവാന്
നന്മയാല് സമ്പൂര്ണ്ണരാക്കുകേ ദേവേശനേ
സത്യഭക്തി നീതി സ്നേഹം താഴ്മയും വിശ്വാസവും
നിത്യമിങ്ങു വര്ദ്ധിപ്പിക്കുകേ ദേവേശനേ
ദിവ്യസമാധാന വാക്യം നിന്നനുഗ്രഹങ്ങളും
ഏവരോടും കല്പിച്ചയയ്ക്ക ദേവേശനേ