എന്നും നല്ലവൻ യേശു എന്നും നല്ലവൻ
ഇന്നലെയുമിന്നുമെന്നും അന്യനല്ലവൻ

ഭാരമുള്ളിൽ നേരിടും നേരമെല്ലാം താങ്ങിടും
സാരമില്ലെന്നോതിടും തൻ മാർവ്വിലെന്നെ ചേർത്തിടും

സംഭവങ്ങൾ കേൾക്കവെ കമ്പമുള്ളിൽ ചേർക്കവെ
തമ്പുരാന്റെ തിരുവചനം ഓർപ്പിക്കും പോലാകവെ

ഉലകവെയിൽ കൊണ്ടു ഞാൻ വാടി വീഴാതോടുവാൻ
തണലെനിക്കു നല്കീടുവാൻ വലഭാഗത്തായുണ്ടുതാൻ

വിശ്വസിക്കുവാനുമെന്നാശവച്ചീടാനുമീ
വിശ്വമതിലാശ്വസിക്കാനാശ്രയവുമേശുവാം

രാവിലും പകലിലും ചേലൊടു തൻ പാലനം
ഭൂവിലെനിക്കുള്ളതിനാൽ മാലിനില്ല കാരണം