എന്റെ ജീവിതമാണെന്റെ ആരാധന
ഞാൻ യേശുവിൽ ആയതിനാൽ
എന്റെ ജീവിത ശൈലിയാണ് ആരാധന
ഞാൻ യേശുവിൻ ആലയമായ്

ആരാധ്യനാം ദൈവത്തിന്
ജീവയാഗമാണ് ആരാധന
ജീവൻ തന്ന എന്റെ യേശുവിന്
എന്റെ സ്നേഹമാണ് ആരാധന

സ്വർഗ്ഗപിതാവിൻ മാർവ്വിൽ ചേർത്തതിനാൽ
ഈ ബന്ധമാണ് ആരാധന
തിരു കരങ്ങളിൽ ആശ്രയം വച്ചതിനാൽ
ഏത് നേരത്തും ആരാധന

എന്റെ യേശുവിൻ പാദത്തിൽ പകരുന്നതാം
നല്ല തൈലമാണ് ആരാധന
ഇതിലും വിലയേറിയത് ഒന്നുമില്ലേ
എന്റെ ദൗത്യമാണ് ആരാധന

പരിശുദ്ധാത്മാവ് എന്നെ നയിക്കുന്നതാൽ
എന്നും പുതിയതാണ് ആരാധന
തിരു സാന്നിധ്യം എന്നിൽ നിറയുന്നതാൽ
തേജസ്സേറുമീ ആരാധന