ഞാൻ കർത്താവിനായ് പാടും ജീവിച്ചിടും നാളെല്ലാം
ദൈവമഹത്വം കൊണ്ടാടും കീർത്തിക്കും തൻ വാത്സല്യം
ഹല്ലേലുയ്യാ ദൈവത്തിനും ഹല്ലേലുയ്യാ പുത്രനും
ഹല്ലേലുയ്യാ ആത്മാവിനും ഇന്നും സർവ്വകാലത്തും

ഭാരമുള്ളോർ മനമല്ല ദൈവാത്മാവിൻ ലക്ഷണം
സാക്ഷാൽ അഭിഷിക്തർക്കെല്ലാ കാലത്തും സന്തോഷിക്കാം

ദൈവമുഖത്തിൻമുമ്പാകെ വീണയാലെ സ്തുതിപ്പാൻ
യേശുവിന്റെ രക്തത്താലെ എന്നെ പ്രാപ്തൻ ആക്കി താൻ

കേൾക്ക ദൂതന്മാരിൻ ഗാനം ബേത്ലഹേമിൻ വയലിൽ
നോക്കുക പിതാവിൻ ദാനം ചേർക്കുക സംഗീതത്തിൽ

പാലും തേനും ഒഴുകിടും നല്ലോർ രാജ്യം എന്റേതാം
ആശ്വാസങ്ങൾ നിറഞ്ഞിടും ക്രിസ്തൻ മാർവ്വെൻ പാർപ്പിടം

പാടും ഞാൻ സന്തോഷത്താലെ ഉള്ളം എല്ലാം തുള്ളുമ്പോൾ
പാടും എന്നെ അഗ്നിയാലെ ശോധന നടത്തിയിടുമ്പോൾ

അത്തിവൃക്ഷം വടിയാലും മുത്തിരിങ്ങാവല്ലിയും
ഒന്നും നൽകാതിരുന്നാലും ഞാൻ കർത്താവിൽ പുകഴും

എൻ നിക്ഷേപം സ്വർഗത്തിൽ ആകയാൽ ഞാൻ ഭാഗ്യവാൻ
ലോകരുടെ ദു:ഖത്തിൽ എനിക്കുണ്ടോ ദു:ഖിപ്പാൻ

ദൈവത്തിങ്കളേ സന്തോഷം ആശ്രിതരിൻ ബാലമായ്
ആശയത്തുപോയ ക്ലേശം ദൂരമറ്റിയുക നാം

ഹല്ലേലുയ്യാ ദൈവത്തിന്നും ഹല്ലേലുയ്യാ പുത്രന്നും
ഹല്ലേലുയ്യാ ആത്മാവിന്നും ഇന്നും സർവ്വകാലത്തും