ഇടയനായ യേശുവിൻ ഇടമതിൽ ആകയാൽ
ഇടമില്ല യാതൊരു കുറവിനുമിവിടെ
ഇടമെനിക്കവിടയാ പച്ചയായ മേച്ചിലിൽ
സ്വച്ഛമാം ജലാശയം ജയത്തിനുത്സവം

ചൂടതിൽ ഇടറി ഞാൻ വീണിടുമെന്നാൽ
ശീതള വചനമെൻ പ്രാണനു സൗഖ്യം
നീതിയിൻ പാതയിൽ ഭീതി കൂടാതവൻ
നടത്തിടുമനുദിനം തന്റെ ദൃഷ്ടിയാൽ

ഭയമെനിക്കെവിടെയാ കൂരിരുള്‍ വഴിയിൽ
വടിയുമായിടയനെൻ അരികിലുള്ളതാൽ
ശത്രുവിൻ മുമ്പിലോ മൃഷ്ടമാം ഭോജനം
എൻ തലയെ തൈലത്താൽ വിശുദ്ധി ചെയ്തിടും

നന്മയും കരുണയും അനുഗമിച്ചിടുമേ
എൻ ജീവിതകാലം മുഴുവനാകെയുമേ
യഹോവയുടെ ആലയത്തിൽ വസിച്ചിടുവാൻ
അനുദിനം എനിക്കുള്ള ഭാഗ്യമേ