ഈ ദൈവം എന്നും എനിക്കഭയം
വസിച്ചീടുമെന്നും ഞാൻ അവൻ മറവിൽ

ശോധന വേളകൾ വന്നിടുമ്പോൾ
അവൻ മാർവ്വിൽ ചാരി ഞാൻ ആശ്വസിക്കും
തള്ളിടാതവനെന്നെ ചേർത്തിടുമേ
തൻ ദയ മാറുകില്ല

ഞാനാശ്രയിക്കും ദൈവമെന്നെ
അനാഥനായ് ഭൂവിൽ കൈവിടുമോ
തിരുക്കരത്തിലവൻ വഹിക്കുമെന്നെ
തൻ കൃപ തീരുകില്ല

മർത്ത്യരിൽ ഞാനിനീം ചാരുകില്ല
മനുജരിൻ മേന്മകൾ നശിച്ചിടുമേ
മരിച്ചുയിർത്തേശു ജീവിക്കുന്നു
തൻ നാമം ഉന്നതമേ