ഈശനെയെൻ യേശുനാഥാ സ്തോത്രമെന്നേക്കും
സർവ്വ ക്ലേശവും ക്രൂശിൽ വഹിച്ച നായകാ വന്ദേ

വാഞ്ചിക്കുന്നെൻ അന്തരംഗം നിന്നെയെപ്പോഴും
ഇപ്രപഞ്ച സന്തോഷങ്ങളിൽ സംതൃപ്തിയില്ല മേ

ഭൂതലത്തിലാശ്രയം നീ മാത്രമെനിക്കു – ദിവ്യ
മോദമുള്ളിൽ തന്നു നിത്യം കാവൽ ചെയ്യുന്നു

രോഗശോകങ്ങൾ സമസ്തം നീക്കിയാരോഗ്യം
സ്നേഹസാഗരം കനിഞ്ഞെനിക്കു നൽകീടുന്നതാൽ

രാത്രിയെൻ കിടക്കയിൽ ക്രിസ്തേശു നാഥനേ – നിന്നെ
കീർത്തനങ്ങൾ പാടി വാഴ്ത്തി വന്ദിച്ചീടും ഞാൻ

സർവ്വവും സമർപ്പിക്കുന്നു ഞാനിപ്പോൾ എന്റെ
സർവ്വവുമാം വല്ലഭാ നിൻ സന്നിധാനത്തിൽ