ഇസ്രായേലിൻ നാഥനായ് വാഴും ഏക ദൈവം
സത്യ ജീവ മാർഗമാണു ദൈവം
മർത്യനായി ഭൂമിയിൽ പിറന്ന സ്നേഹ ദൈവം
നിത്യ ജീവൻ ഏകിടുന്നു ദൈവം

അബ്ബാ പിതാവേ ദൈവമേ
അവിടുത്തെ രാജ്യം വരേണമേ
അങ്ങേ തിരുഹിതം ഭൂമിയിൽ
എന്നെന്നും നിറവേറിടെണമേ

ചെങ്കടലിൽ നീ അന്നു പാത തെളിച്ചു
മരുവിൽ മക്കൾക്ക്‌ മന്ന പൊഴിച്ചു
എരിവെയിലിൽ മേഘ തണലായി
ഇരുളിൽ സ്നേഹ നാളമായി
സീനായി മാമല മുകളിൽ നീ
നീതി പ്രമാണങ്ങൾ പകർന്നേകി

മനുജനായി ഭൂവിൽ അവതരിച്ചു
മഹിയിൽ ജീവൻ ബലി കഴിച്ചു
തിരുനിണവും ദിവ്യഭോജ്യവുമായി
ഈ ഉലകത്തിൽ ജീവനായി
വഴിയും സത്യവും ആയവനെ
നിൻ തിരുനാമം വാഴ്ത്തുന്നു