ജയം ജയം യേശു നാമത്തിൽ
ജയം ജയം യേശു രക്തത്തിൽ
നമ്മെ രക്ഷിപ്പാൻ മന്നിതിൽ വന്ന
യേശുവെ സ്തുതിച്ചിടുക

പാടുവിൻ സ്തുതി ഗീതം
വല്ലഭനേശുവിനു
പാപത്തെ നീക്കാൻ പാരിതിൽ വന്ന
ഉന്നതനേശുപരൻ

യേശുവിനായ് തുറക്കൂ
നിൻ ഹൃദയത്തിൻ വാതിലുകൾ
സ്നേഹത്തിൻ ഉറവയവൻ
അവൻ തരും പുതുജീവൻ

യേശുവിൻ സവിധത്തിൽ
ആനന്ദമുണ്ടെന്നും
യേശുവിൽ വസിച്ചിടൂ നീ
അവൻ നിന്നെ ഉയർത്തീടും

യേശുവരും വേഗം
നമ്മെയും ചേർത്തിടുവാൻ
ഒരുങ്ങിടാമവൻ വരവിൽ
സ്വർപ്പുരെ വസിച്ചിടാം നാം