ജയമെടുപ്പിൻ നാം ജയമെടുപ്പിൻ
യേശുവിന്റെ നാമത്തിൽ ജയമെടുപ്പിൻ

അത്ഭുതമടയാളമവനിലുണ്ട്
അഗതികൾക്കഭയവും അവനിലുണ്ട്
ആശ്രയിപ്പിൻ വിശ്രമിപ്പിൻ
അവൻ ബലത്താൽ നാം ജയമെടുപ്പിൻ

ജയത്തിനു കുതിരകൾ വ്യർത്ഥമത്രേ
വീരനും തൻബലത്താൽ വിടുതലുണ്ടോ
സൈന്യത്താലും ശക്തിയാലുമല്ല
ആത്മബലത്താൽ ജയമെടുപ്പിൻ

വിശ്വാസത്താൽ നീതി നേടിടുവിൻ-ബല
ഹീനതയിൽ ബലം പ്രാപിക്കുവാൻ
വാഗ്ദത്തങ്ങൾ വിശ്വസിപ്പിൻ
വിശ്വാസവീരരായ് ജയമെടുപ്പിൻ

ശത്രുവിന്നായുധം വയ്പ്പിച്ചവൻ
ക്രൂശിൽ ജയോത്സവം കൊണ്ടതിനാൽ
നിർഭയരായ് നിരാമയരായി
ജയഘോഷത്താൽ നാം ജയമെടുപ്പിൻ