ജയത്തോട് മുന്നേറുവാൻ കൃപായേകണേ
വിശ്വാസത്താൽ എന്നും മുന്നേറും ഞാൻ
എന്നാത്മാവേ ഉള്ളിൽ ചഞ്ചലം എന്തിനു
യേശുവിൻ സാനിധ്യം കൂടെയില്ലേ

മരുഭൂമി യാത്രയിൽ ഓടുമ്പോൾ
പ്രതികൂലമായെല്ലാം മാറിടുമ്പോൾ
യേശുവിൻ പൊൻ കരം എന്നെ നടത്തിടും
നിത്യജീവ നാട്ടിൽ എത്തുവോളം

വാഴ്ത്തീടും ഞാൻ എന്നും വാഴ്ത്തീടും ഞാൻ
യേശുവിൻ സ്നേഹത്തെ ഓർത്തിടുമ്പോൾ
കൽവറി സ്നേഹത്തെ എൻ മനം ഓർക്കുമ്പോൾ
പാടി സ്തുതിക്കുമെൻ രക്ഷകനേ

പൂർണ്ണ ശക്തിയാൽ പൂർണ്ണ മനസാൽ
എൻ ദൈവത്തെ ഞാൻ ആരാധിക്കും
പൂർണ്ണ ശക്തിയാൽ പൂർണ്ണ മനസാൽ
എൻ ദൈവത്തെ ഞാൻ സ്നേഹിച്ചിടും