കണ്ടാലും ലോകത്തിൻ പാപത്തെ ചുമക്കും
ദൈവകുഞ്ഞാടിതാ ദൈവകുഞ്ഞാടിതാ

ചുടുചോര ചിന്തി മറുവില ഏകി
പാപിയെ സ്നേഹിച്ച നാഥാ
നമിക്കുന്നു ഞാനാ പാദാരവിന്ദത്തിൽ
ആരാധനയ്ക്കു യോഗ്യനെ ആരിലും ഉന്നതനെ

ഇരു കള്ളർ നടുവിൽ ആ മരക്കുരിശിൽ
എനിക്കായി തകർന്നവനെ
മുത്തിടും ഞാനാ പൊൻമുഖമൊരുനാൾ
ആരാധനയ്ക്കു യോഗ്യനെ ആരിലും ഉന്നതനെ

കല്ലറകൾ തുറന്നു പാറകൾ പിളർന്നു
പ്രാണൻ വെടിഞ്ഞതാം നേരം
തിരശ്ശീല രണ്ടായി ചീന്തിപ്പോയി
മുടിത്തൊട്ടടിയോളം നാഥൻ
പ്രാണൻ വെടിഞ്ഞ നേരം

ഹേ മരണമേ നിൻ ജയമെവിടെ
ഹേ മരണമേ നിൻ വിഷ മുള്ളെവിടെ
മരണത്തെയും പാതാളത്തെയും
ജയിച്ചവനേശുവല്ലോ സാക്ഷാൽ
ദൈവത്തിൻ കുഞ്ഞാടവൻ