കാവൽ മാലാഖമാരേ
കണ്ണടയ്ക്കരുതേ

താഴെ ഈ പുല്ത്തൊട്ടിലിൽ
രാജരാജൻ മയങ്ങുന്നു

ഉണ്ണിയുറങ്ങൂ
ഉണ്ണിയുറങ്ങൂ
ഉണ്ണിയുറങ്ങുറങ്ങൂ

തളിരാർന്ന പൊൻമേനി നോവുമേ
കുളിരാർന്ന വൈക്കോലിൻ തൊട്ടിലല്ലേ

സുഖസുഷുപ്തി പകർന്നീടുവാൻ
തൂവൽ കിടക്ക ഒരുക്കൂ

നീല നിലാവല നീളുന്ന ശാരോൻ
താഴ്വര തന്നിലെ പനിനീർപ്പൂവേ

തേൻ തുളുമ്പും ഇതളുകളാൽ
നാഥനു ശയ്യ ഒരുക്കൂ

യോർദ്ദാൻ നദിക്കരെ നിന്നണയും
പൂന്തേൻ മണമുള്ള കുഞ്ഞിക്കാറ്റേ

പുല്കിയുണർത്തല്ലേ നാഥനുറങ്ങട്ടെ
പരിശുദ്ധ രാത്രിയല്ലേ

കാവൽ മാലാഖമാരേ
കണ്ണടയ്ക്കരുതേ

താഴെ ഈ പുല്ത്തൊട്ടിലിൽ
രാജരാജൻ മയങ്ങുന്നു