കൃപമതിയേ തിരു കൃപമതിയേ തവ
സ്നേഹവും കരുണയും മതിയെനിക്ക്
തിരുക്കരങ്ങളിൽ ഞാൻ ദിനം ചാരിടുമേ
തിരു മാർവ്വിടം എനിക്കു നൽ മറവിടമാം

അഗ്നി ശോധനയിൻ നടുവിൽ
ഞാൻ തളർന്നുപോകാതെ
സാന്ത്വനമാം തിരുമൊഴികൾ
എന്റെ ഉള്ളത്തെ തണുപ്പിക്കയാൽ

ലോകം കൈവെടിഞ്ഞാലും
ശോക ഭാരമേറിയാലും
തിരുവചനം എനിക്കു ബലം
തിരുസന്നിധിയെൻ ശരണം

എന്റെ ഭാരങ്ങൾ താൻ വഹിക്കും
എന്റെ കണ്ണുനീർ മാറിടുമേ
തിരുക്കരങ്ങൾ എനിക്കു തുണ
തിരുനാമമെൻ ആനന്ദവും

എന്റെ പാപശാപങ്ങൾ
ക്രൂശിൽ താൻ വഹിച്ചല്ലോ
ഒരുക്കിയവൻ വലിയ രക്ഷ
തന്റെ വൻകൃപയാൽ എനിക്കായ്