മഞ്ഞുതുള്ളി തൻ കുളിരായ്
എൻ ഉള്ളിൽ വരികെൻ്റെ ഈശോ

നറു തിങ്കളായ് എന്നിൽ വിരിയാൻ
പൊൻനിലാവായ് തെളിയാൻ

ഒരു കുഞ്ഞു മന്നയായ് ദിവ്യ സ്നേഹമായ്
ദിവ്യകാരുണ്യമായ് അണയൂ

എന്നിൽ നവ്യ സ്നേഹമായ് നിറയൂ
ദിവ്യ സ്നേഹമായ് നിറയൂ

എൻ സ്വന്തമായ് എന്നിൽ അണയൂ
ഒരു കുഞ്ഞു മന്നയായ് അലിയൂ എന്നിൽ

ഒരു കുഞ്ഞിനെ പോലെ പുണരൂ എന്നെ
മിഴികൾ മുൻപിൽ വിരിയും അഴകായ്

നോവും മനസ്സിൽ തെളിയും തണലായ്
ഒരു കുഞ്ഞു കാറ്റായ് തലോടി

എൻ ഉണ്ണീശോ നീ വരണേ
തിരുവോസ്തിയായ് എൻ ഹൃത്തിനുള്ളിൽ അലിയൂ

പുതുജീവനായ് എൻ നെഞ്ചിനുള്ളിൽ നിറയൂ
സ്നേഹം നിറയും ബലിപീഠത്തിൽ

ജീവൻ പകരും ഈശോയ്ക്ക് അരികിൽ
പുതു സൃഷ്ടിയായിടും എന്നിൽ

നിറ ദീപമായി നീ തെളിയൂ
തിരുമാർവ്വിലായി നിൻ പൈതലായ് പുൽകൂ

പിരിയാതെ നിൻ കൈകളാൽ പൊതിയൂ