മന്നവനേ മഹോന്നതാ നിന്നെ ഞങ്ങൾ വന്ദിക്കുന്നു
ഇദ്ധരയിൽ നീയോഴികെയാരുമേ
ഞങ്ങൾക്കാശ്രയമായി മേലിലും നീ മാത്രമേ

ദൈവദൂതസൈന്യം നിന്നെ നമിക്കുന്നു പരിശുദ്ധ
ദോഷികളാം ഞങ്ങളിതിനെന്തുള്ളു
ഓർത്താൽ നിന്റെ നാമം ചൊല്ലിടാനും പോരായെ

മഹാദേവ മക്കൾ ഞങ്ങൾ തിരുമുൻപിൽ വണങ്ങുന്നു
മാരിപോലിന്നനുഗ്രഹം നൽകണം
സർവഖേദവും തീർത്തു നീ ഞങ്ങൽക്കേകണം

നിന്നെപ്പോലോർ ധനമില്ല നിന്നെപ്പോലോർ സുഖമില്ല
എന്നെന്നേക്കും നിൻ സന്നിധേ വാഴുവാൻ
ദാസർക്കനുവാദം തന്നു മാർവിൽ ചേർക്കണം

പൊന്നുനാഥാ പൊന്നുനാഥാ നിൻ മുഖം കണ്ടാനന്ദിപ്പാൻ
സ്വർഗ്ഗദേശത്തെന്നു വന്നു ചേർന്നിടും
ലോക സങ്കടങ്ങളൊഴിഞ്ഞങ്ങു വാഴുവാൻ

ഭക്തന്മാരെ രാപ്പകൽ നാം തിരുമുൻപിലാരാധിപ്പാൻ
എത്രവേഗം വാനരാജ്യേ പോയിടാം
സർവസമ്മോദവും ലഭിച്ചെന്നും പാർത്തിടാം