നക്ഷത്രങ്ങൾക്കു പേർ വിളിക്കും
സർവ ശക്തനാകും ദൈവമേ
ഞാൻ നിന്നെ അറിയാതിരിക്കവേ നീ
എന്നെ പേർ ചൊല്ലി വിളിച്ചല്ലോ

ഓമനപ്പേരിട്ടോമനിച്ചെന്നെ ഓരോദിനവും കാത്തല്ലോ
ഓഹരിയായിട്ടെന്നോടു കൂടെ
എന്നും അവിടുന്നുണ്ടല്ലോ

പാരിലാരും പാടിടാത്ത പുതു
ഗാനങ്ങൾ എനിക്കേകിയല്ലോ
പാരിലാർക്കും നൽകാനാകാത്ത
ദിവ്യ സമാധാനം നൽകിയല്ലോ

ആദ്യനും അന്ത്യനും ആയ ദൈവം
അനന്യനായിട്ടുണ്ടല്ലോ
അമ്മയെക്കാളും സ്നേഹിച്ചിടാനും
അന്ത്യംവരെയും കാക്കുവാനും