നന്മയല്ലാതൊന്നും ചെയ്തിടാത്തവൻ
തിന്മയാകെ മായിക്കുന്നവൻ
പാപമെല്ലാം ക്ഷമിക്കുന്നവൻ
പുതു ജീവനെന്നിൽ പകരുന്നവൻ

യേശു യേശു അവനാരിലും വലിയവൻ
യേശു യേശു അവനാരിലും മതിയായവൻ

1 ദൈവത്തെ സ്നേഹിക്കുമ്പോൾ സർവ്വം
നന്മക്കായ് ഭവിച്ചിടുന്നു
തിരുസ്വരം അനുസരിച്ചാൽ
നമുക്കൊരുക്കിടും അവനഖിലം
കൃപയരുളീടുമേ ബലം അണിയിക്കുമേ
മാറാ മധുരമായ് മാറ്റിടുമേ

2 ഇരുൾ നമ്മെ മൂടിടുമ്പോൾ ലോക
വെളിച്ചമായവൻ അണയും
രോഗികൾ ആയിടുമ്പോൾ
സൌഖ്യദായകൻ അവൻ കരുതും
അവന്നാലയത്തിൽ സ്വർഗ്ഗ നന്മകളാൽ
നമ്മെ നിറച്ചിടും അനുദി നവും

3 കണ്ണുനീർ താഴ്വരകൾ
ജീവ ജലനദി ആക്കുമവൻ
ലോകത്തിൻ ചങ്ങലകൾ
മണി വീണയായ് തീർക്കുമവൻ
സീയോൻ യാത്രയതിൽ മോക്ഷ മാർഗമതിൽ
സ്നേഹ കൊടിക്കീഴിൽ നയിക്കുമവൻ