1 ഞാനെല്ലാ നാളും യഹോവായെ വാഴ്ത്തും
തൻ സ്തോത്രമെൻ നാവിലെന്നുമിരിക്കും
എൻ ഭാരങ്ങൾ നാൾതോറും താൻ വഹിക്കും
ഞാൻ വാഴ്ത്തും നാൾതോറും മഹോന്നതനെ

2 ഞാൻ രാവിലെ ദൈവത്തിന്നായുണരും
ഞാൻ രാത്രിയാമങ്ങളിൽ കാത്തിരിക്കും
എൻ പ്രാർത്ഥനയെ എൻ ദൈവം ശ്രവിക്കും
ഞാൻ വാഴ്ത്തും നാൾതോറും മഹോന്നതനെ

3 ഞാൻ രാവിലെ ദൈവ സ്വരൂപം കാണും
തൻ സൗന്ദര്യം കണ്ടു ഞാനാനന്ദിക്കും
തൻ വായിലെ തേൻ മൊഴി ഞാൻ രുചിക്കും
ഞാൻ വാഴ്ത്തും നാൾതോറും മഹോന്നതനെ

4 തൻ ആലോചന കൊണ്ടെന്നെ നടത്തും
എൻ വൃദ്ധതയോളമെന്നെ ചുമക്കും
എൻ ജീവപര്യന്തം വഴി നടത്തും
ഞാൻ വാഴ്ത്തും നാൾതോറും മഹോന്നതനെ

5 ഞാൻ യേശുവിന്നാജ്ഞയനുസരിക്കും
എൻ ക്രൂശും ചുമന്നു ഞാൻ പിന്തുടരും
എൻ ദുഃഖങ്ങളൊക്കെയവനൊഴിക്കും
ഞാൻ വാഴ്ത്തും നാൾ തോറും മഹോന്നതനെ