ഓടിടാം ലാക്കിലേക്കു ഓടിടാം
പരമവിളിയുടെ വിരുതിനായി ലാക്കിലേക്കു ഓടിടാം

ഓട്ടം തികച്ചവൻ കൂടെയുണ്ട്
വിശ്വാസനായകൻ കൂടെയുണ്ട്
പാപവും ഭാരവും വിട്ടു നാം
മുൻപിലുള്ള ഓട്ടം തികച്ചിടാം

ഈ ലോക ജീവിത യാത്രയിൽ തളർന്നീടാതെ നാം ഓടുവാൻ
ബലം നൽകും നാഥൻ കരങ്ങളാൽ
നമ്മെ ജയത്തോടെ നടത്തീടുമേ

ലക്ഷ്യം തെറ്റാതെ ഓടിടുകിൽ
വാടാ കിരീടം പ്രാപിപ്പാൻ
ജയം നൽകും നാഥൻ കരങ്ങളാൽ
നമ്മെ കൃപയാൽ നടത്തീടുമേ

ആദ്യ പിതാക്കന്മാർ ഓടിയതാം
വിശ്വസമാം പാതയിൽ
യേശുവിൻ സാക്ഷിയായി നിലനിന്നീടാം
നല്ല പോർ പൊരുതി ഓട്ടം തികയ്ക്കാം