ഓ ഓ ഓ നീ എൻ ദൈവം
ഓ ഓ ഓ ഞാൻ നിൻ പൈതൽ (2)
ഈ ലോകം മാറിയാൽ ലോകർ മാറിയാൽ
മാറുകില്ല നീ എൻ നാഥൻ (2)

ഈ ലോകം ആക്ഷേപം ചൊല്ലിയാലും
ലോകരെന്നെ പരിഹസിച്ചാലും
എൻ നാഥൻ പോയതാം പാതയിൽ ഞാനും
നാൾ തോറും പിൻചെല്ലുമേ

പ്രതികൂലമാകുന്ന കാറ്റുകൾ
എൻ പടകിൽ അടിക്കടി അടിച്ചാൽ
എൻ പടകിൻനായകനായ് നീ അമരത്തങ്ങുള്ളതാൽ
തീരത്തണയുമേ ഞാൻ

വാഗ്ദത്തം ചെയ്തവൻ നാഥൻ
നാൾതോറും എന്നോടുകൂടെ
എത്തും ഞാൻ തൻകൂടെ വിശ്രാമദേശത്തിൽ
നിത്യമായ് യുഗായുഗം വാഴാൻ