ഒത്തിരി ഒത്തിരി സ്നേഹിച്ചോരെല്ലാം
ഒത്തിരി നൊമ്പരം തന്നീടുമ്പോൾ
നെഞ്ച് തകർന്നു കരയുമ്പോഴെന്നെ
നെഞ്ചോടു ചേർക്കുമെൻ യേശു നാഥാ
ഓ എൻ്റെ സ്നേഹമേ വന്നു നിറഞ്ഞീടണെ

എൻ സ്വന്ത നേട്ടങ്ങൾ എല്ലാം മറന്നു
ത്യാഗം സഹിച്ചേറെ നന്മ ചെയ്തു
കണ്ടില്ലാരുമെൻ നന്മകളൊന്നും
അന്യയായി എന്നെ തള്ളിയല്ലോ
ഓ എൻ്റെ സ്നേഹമേ ശാന്തിയായ് വന്നീടണെ

സമ്പാദ്യമൊന്നുമേ കരുതിയില്ലേലും
നഷ്ടങ്ങളെല്ലാം നേട്ടങ്ങളാക്കി
എന്നെയുയർത്തും നാഥനുവേണ്ടി
ജീവിക്കും ഞാനിനി സന്തോഷിക്കും
ഓ എൻ്റെ സ്നേഹമേ കാവലായി വന്നീടണെ