പരലോക ഭാഗ്യം പാപിയെന്നുള്ളിൽ
പകരുന്നൊരു ദേവനേ നിൻ പുകഴ്പാടി വാഴ്ത്തിടും ഞാൻ

1 ഒരു നാളുമെൻ നാവിൽ തിരുനാമം ചൊല്ലുവാൻ
അണുപോലുമർഹതയില്ലാത്ത പാപി ഞാൻ
തിരുനാമകീർത്തനം രക്ഷയിൻ പുതുഗാനം
ഉരുമോദം പാടുന്നു സന്തോഷ സ്തുതി ഗാനം

2 ആയുസ്സിന്നറുതിയിലക്കരെ നാട്ടിൽ ഞാ-
നാനന്ദക്കണ്ണുനീർ തൂകി നിൽക്കും നേരം
അരികിൽ വരും നാഥൻ കണ്ണീർ തുടയ്ക്കും തൻ
തിരുമെയ്യഴകിന്നൊളിയിൽ മുഴുകും ഞാൻ

3 കൃപയുടെ പരിപാടി തീരുമ്പോഴോമന
പ്പുലരി വിടരുമ്പോൾ നിത്യയുഗം തന്നിൽ
അഴിയാത്ത വാടാത്തോരവകാശം
കർത്താവുമൊരുമിച്ചു പങ്കിട്ടു വാഴും ഞാനെന്നാളും

More Information on this song
This song was added by:Administrator on 22-09-2020